As mulleres da miña vila 2014 (PDF - 2,899.8 KB)

Dentro do programa da ESCOLACOeducativa, e con motivo da conmemoración do Día Internacional da Muller, organizamos o concurso ¿As mulleres da miña vila¿ dirixido ao alumnado de 1º e 2º da ESO. Con esta iniciativa educativa quixemos reforzar todo o traballo realizado na aula en favor da promoción de valores positivos e igualitarios, e convidar ao alumnado a reflexionar sobre as desigualdades de xénero que a día de hoxe seguen dividindo ao mundo en dúas metades, onde as mulleres, en moitos casos, se atopan en inferioridade de condicións. A presente publicación recolle os 25 mellores traballos presentados nesta I edición.

Convivir coa Demencia (PDF - 614.3 KB)

Relación de diferentes materias bibliográficos e audiovisuais, (libros,contos,películas,manuais de apoio, enlaces web...) que abarcan desde diferentes puntos de vista esta enfermidade e o impacto no entorno familiar. Son materiais que poden axudar ao familiar a coñecer mellor a enfermidade como actuar, pero tamén sensibilizar a todas aquelas persoas que non están afectadas directamente. Moitas destas publicacións pódense consultar nas bibliotecas municipais.

Ocio para persoas coidadoras (PDF - 6,285.8 KB)

Publicación realizada polas persoas que compoñen o grupo "Coidando emocións" do Concello de Oleiros. Unha proposta de espazos de ocio para recuperar un espazo de intimidade con nós mesmos e co contorno.

Oleiros, Benestar Social (PDF - 8,119.4 KB)

Oleiros na Memoria (PDF - 3,064.4 KB)

Mais de 200 persoas acoden semanalmente aos talleres de memoria que desenvolve a concellería de Servizos Sociais en todas as parroquias do Concello de Oleiros. Unha actividade dirixida a promocionar a estimulación cognitiva e a fomentar as relacións sociais. Nos últimos tres anos desenvolveuse dentro destes talleres o proxecto ¿Oleiros na memoria¿ co obxectivo de recuperar parte da historia do concello a través das fotos, dos relatos, das anécdotas... contada polos seus protagonistas. Froito deste intenso traballo de recompilación xuntouse un cuantioso material de moito valor, o que motivou que se creara unha mesa de redacción para coordinar os textos e as fotografías coas que se elaboraría a publicación. Hoxe esta publicación xa está preparada, unha revista detrás da que hai moito traballo e moito agarimo, moitos recordos e moitas emocións, porque é a historia contada por quenes a viviron, contando como a viviron. Hai que destacar o feito de que todo o que aparece nesta publicación foi elaborado íntegramente polas persoas que acuden aos talleres.