Concello de Oleiros

Andrea Martínez Quiroga é mestra, educadora de familias, veciña de Santa Cruz, que forma parte do Apego e con este obradoiro achéganos ás familias o seu saber e a súa paixón, a disciplina positiva.

A disciplina positiva é un modelo educativo para entender o comportamento das crianzas e para guialas no seu camiño dunha forma que sexa afectiva e firme, tanto para a persoa adulta como para os nenos e nenas. Neste obradoiro trataranse diferentes contidos, como límites, consecuencias, enfoque baseado en solucións e alento.