O Concello de Oleiros abre o prazo de inscrición no programa de sendeirismo Vén e Descubre o próximo xoves. As persoas que o desexen poden inscribirse de forma telemática desde o xoves 3 ata o luns 7 de abril a través da Sede electrónica do concello: https://sede.oleiros.org/
Para inscribirse de forma telefónica, as persoas que o desexen poderán chamar ao 981 610000 en horarios de tarde (de 16:00 a 20:00 horas) os días 3,4 e 7 de abril:
O día 8 de abril publicaranse os listados provisionais das persoas preinscritas. O xoves 10 de abril ás 12:00 horas producirase o sorteo e as listas de admitidos definitivas serán expostas o venres 11 de abril.
Aquelas persoas que sexan admitidas deberán acudir a unha reunión de formación e confirmación de praza o día 24 de abril ás 11:00 horas nas torres de Santa Cruz.