O Servizo de Normalización Lingüística convoca a campaña polo 8M, para os centros de ensino.
Desde o Servizo de Normalización Lingüística do Concello comezamos a Campaña polo 8M. Unha convocatoria de ideas para a elaboración de material como mochilas ou chapas, co obxectivo de fomentar a consciencia feminista, transincluínte entre o estudantado de Oleiros, así como promover o uso da lingua galega desde unha conciencia social e responsable que parta da creatividade da mocidade. Poderá participar o alumnado de 5º e 6º de primaria, de ESO ou de bacharelato.
Para participar na campaña deberase cubrir a ficha de participación habilitada nas presentes bases, que tamén estará dispoñible na web do Concello de Oleiros, e presentala vía correo electrónico (lingua@oleiros.org) ou vía correo postal (A Fábrica, rúa do Inglés nº13, CP 15172 Perillo, A Coruña), ou a través dos centros de ensino.