O Concello de Oleiros solicitou axuda económica ao abeiro da Resolución do 9 de Abril de 2019, publicada no DOG Nº 80 do 26 de abril de 2019, na que se establecen as bases reguladoras e se anuncia a convocatoria de subvencións para proxectos de enerxías renovables térmicas, para o ano 2019, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2014-2020.
O proxecto municipal de “Instalación de sistema de biomasa na Piscina de Oleiros” cun importe total de 108.945,25€ contou cunha subvención do INEGA, Xunta de Galicia e do FEDER de 73.175,79€.
A mellora na instalación supuxo a instalación dunha nova caldeira de biomasa para o sistema de calefacción, auga quente sanitaria e quecemento da auga dos dous vasos existentes.