Por outra parte, a limpeza dos leitos dos ríos é unha competencia da Xunta, a través de Augas de Galicia, non de ningún Concello. Se o PP quere contribuír a evitar inundacións, en lugar de difundir bulos e mentiras, amosando unha vez máis a súa falta de coñecemento sobre Oleiros, debería actuar desde o Goberno autonómico que ostenta e limpar adecuadamente os leitos dos ríos.
O pasado luns 24 de febreiro foi o día de máis precipitacións desde o ano 1931. No caso concreto das inundacións na zona da Lagoa de Mera, a pesar das forte chuvias, foron moito menores ás que se daban antes do 1995, ano no que se acometeu a obra de ampliación do túnel de saída de auga da Lagoa cara a Praia de Santa Ana.
Antes do 1995, cando se producían fortes precipitacións –de menor envergadura que as do pasado luns-, as inundacións era moito máis considerables, ata o punto de que a auga chegaba ata o teito dos garaxes.
É de lamentar que algúns medios de comunicación dean pábulo a informacións falsas por parte dalgúns partidos políticos sen contrastar previamente os datos que aportan.