Oleiros, 29 de agosto de 2019-. A próxima das saídas do programa Andares por Galicia, A cultura da Natureza será o vindeiro 21 de setembro. As persoas participantes van realizar unha ruta de sendeirismo pola zona de Mondoñedo e visitarán o Centro de interpretación da Basílica de San Martiño.
A camiñada a pé partirá de Mondoñedo e rematará en Castrodouro. A distancia a percorrer é de 16 km e está cualificada como de dificultade media. Durante o traxecto visitarase o Castelo-fortaleza da Frouseira, a ZEC do Río Ouro, a Ponte da Seara ou o Castelo de Castrodouro, entre outros lugares.
O prazo de inscrición para esta excursión abre o vindeiro luns día 2 de setembro. Para apuntarse ou obter máis información é preciso dirixirse ao Departamento de Cultura do Concello de Oleiros, situado no centro cultural A Fábrica, ben fisicamente ou a través do teléfono 981 636 598 ou do correo electrónico cultura@oleiros.org.