Oleiros, 8 de maio de 2017-. O grupo Latin Jazz ofrece esta tarde, ás 20:30 horas, un concerto solidario na Fábrica. Trátase dun acto organizado polo Club de Leóns de Oleiros no que a entrada é gratuíta e os fondos recadados serán destinados ás actividades solidarias da entidade.
O grupo Latin Jazz está formado por músicos da Orquestra Sinfónica de Galicia aos que lles une a paixón polo jazz latino. Polo momento, o grupo só actúa en actos benéficos debido á súa mentalidade de axudar aos demais.