Será nun acto que dará comezo ás 19:00 horas, con Sekone, que realiza a súa obra na praia de Bastiagueiro; Nana, que se encarga de ambientar visualmente a piscina de Oleiros e Iria Fafián que plasma a súa obra na rúa do Souto, en Santa Cruz.
Sekone é vilagarcián afincado na Coruña, onde ademais do muralismo dedícase a obras de ilustración e deseño gráfico téxtil e ten traballado tanto en exposicións en Ordes ou Carballo, así coma no viaduto de San Pedro de Mezonzo na Coruña.
Tamén no "Derrubando Muros" de Carballo, entre outras moitas cidades, ten participado Diana Rodeiro (Nana), compostelá dedicada á ilustración e a xoiería que terá nas súas mans embelecer o inmoble da piscina de Oleiros.
A catalano-galega Iria Fafián plasmará a súa obra na rúa do Souto, en Santa Cruz. Ilustradora de longo percorrido: “Non sei que sería de min neste mundo sen o dibuxo: grazas a el aprendín a observar e valorar a sinxeleza, dúas cousas que intento ter presentes no meu traballo e na vida persoal”, di presentándose como creadora.