Concello de Oleiros

Nas rúas de Espiñeiro só poden entrar ou estacionar os vehículos particulares de persoas residentes, para os que se emitiu unha tarxeta que deben levar no vehículo, os vehículos que teñan como destino un garaxe ou finca particular, e os que accedan para realizar un reparto.

Os sinais horizontais instalados no ámbito designan a zona como peonil. A medida foi comunicada por carta previamente a todas as persoas residentes e non suscitou polémica algunha, máis aló dalgunhas circunstancias persoais concretas.

Trátase da propia rúa Espiñeiro máis as de Penatouro, Campo das Becerras, Machón, Pedreiras, Arán, Punta Fieiteira, Pedrosiño, Pescadoras e Cabezudo. 
Estas rúas conforman o sistema de comunicación interior do núcleo e compleméntanse co paseo peonil que conecta a praia e toda a zona co centro de Mera polo litoral, un itinerario que moitas persoas tamén utilizan para acceder á praia ou pasear.

A pouca distancia de Espiñeiro funciona un sistema de aparcamento estacional que combina o pago por día con áreas de servizos comerciais gratuítas, onde é posible aparcar só durante 30 minutos. A unha distancia duns 15 minutos a pé, existen varias zonas de aparcamento gratuíto. Durante o inverno, o aparcamento non é de pago.