Igualdade

Imagen introducción igualdad

Hai contrastes sociais que temos que combater. Un deles é o que afecta a máis da metade da poboación: as mulleres. Levamos moito andado, mais a lacra do machismo está tan enraizada estruturalmente que é fundamental seguir combatendo no día a día para poder erradicar a súa influencia.

O noso compromiso é o de seguir remando en prol de todas as mulleres, da súa emancipación e liberdade. Así, é imprescindible continuar coa posta en marcha de medidas encamiñadas a acadar a igualdade de oportunidades. E, para isto, é fundamental transversalizar o principio de interseccionalidade, tendo en conta todos os aspectos sociais (idade, orixe, etnia, nivel socioeconómico etc.) a partir dos cales se xeran dinámicas discriminatorias e violentas que obstaculizan e impiden a consecución dunha igualdade plena, real e efectiva. 

Direcciones y teléfonos

Servizos Sociais e Igualdade, (Oleiros)
Map Edificio Obelisco Rua Camilo Díaz Baliño, s/n OLEIROS
Phone 981 610 000, EXT. 3601, 3112
Servizos Sociais E Igualdade, Villa Echeverry ( Perillo )
Map Avda. Ernesto Che Guevara, 45 Perillo
Phone 981 610 000, EXT. 3601, 3112

Asset Publisher

Back Acto con mulleres gardas civís no auditorio de Mera

Con motivo dos actos de conmemoración do 8-M, o auditorio Gabriel García Márquez acolleu un encontro de mulleres gardas civís co alumnado dos institutos de Oleiros. As 9 axentes participantes, de distintas xeracións, deron conta dos importantes avances logrados ao longo dos anos para romper barreiras nunha profesión tradicionalmente masculinizada.

Foi un encontro ameno, distendido, no que se relataron distintas vivencias moi enriquecedoras para a formación en igualdade dos mozos e mozas participantes, que tamén tiveron ocasión de realizar preguntas ás gardas civís.

“Demostrar que moitas nos abren camiño e nos amosan que non hai límites nin trabas que xuntas non poidamos superar... e que comprendades a importancia de loitar polo que queredes sen que o xénero sexa un condicionante ou un freo”, destacou a concelleira de Igualdade Belén Taboada ao inicio do acto. Pola súa parte o alcalde, Ángel García Seoane, resaltou o exemplo de loita pola igualdade das mulleres gardas civís como un paso máis dos importante avances acadados durante as últimas décadas.


 

back link