Igualdade

Imagen introducción igualdad

Hai contrastes sociais que temos que combater. Un deles é o que afecta a máis da metade da poboación: as mulleres. Levamos moito andado, mais a lacra do machismo está tan enraizada estruturalmente que é fundamental seguir combatendo no día a día para poder erradicar a súa influencia.

O noso compromiso é o de seguir remando en prol de todas as mulleres, da súa emancipación e liberdade. Así, é imprescindible continuar coa posta en marcha de medidas encamiñadas a acadar a igualdade de oportunidades. E, para isto, é fundamental transversalizar o principio de interseccionalidade, tendo en conta todos os aspectos sociais (idade, orixe, etnia, nivel socioeconómico etc.) a partir dos cales se xeran dinámicas discriminatorias e violentas que obstaculizan e impiden a consecución dunha igualdade plena, real e efectiva. 

Direcciones y teléfonos

Servizos Sociais e Igualdade, (Oleiros)
Map Edificio Obelisco Rua Camilo Díaz Baliño, s/n OLEIROS
Phone 981 610 000, EXT. 3601, 3112
Servizos Sociais E Igualdade, Villa Echeverry ( Perillo )
Map Avda. Ernesto Che Guevara, 45 Perillo
Phone 981 610 000, EXT. 3601, 3112

Asset Publisher

Back O Concello lanza un vídeo polo 8M protagonizado por distintas mulleres do municipio

Con motivo da conmemoración do Día Internacional das Mulleres, o Concello de Oleiros editou un vídeo protagonizado por mulleres que participan en distintas entidades sociais e veciñais do municipio. O vídeo pode visualizarse nas redes sociais do Concello e pon de manifesto a importancia da forza colectiva das mulleres como motor de cambio.

O vídeo transmite o valor da memoria feminista, lembrando as mulleres que foron pioneiras na defensa dos dereitos e que abriron camiño para as xeracións vindeiras. Tamén lanza unha mensaxe de optimismo de cara as conquistas pendentes para o futuro.

O Concello de Oleiros agradece a todas as mulleres participantes a súa boa disposición e colaboración para a realización deste vídeo.

VER VÍDEO


 

 

back link