A mobilidade, ademáis dos traslados obrigados polas necesidades diarias de cada persoa, abrangue outros aspectos relacionados coa vida en saúde aos que o Concello pode contribuir a través de programas para incrementar a actividade física das persoas.
Isto consíguese coa promoción e a divulgación dos beneficios físicos e mentais dunha vida máis activa, como a través de accións que incidan nun maior uso de parques e vías públicas para a realización de actividades pouco complexas como camiñar, correr ou realizar exercizos básicos de ximnasia.