A Agrupación de Voluntarios de Protección Civil (AVPC) do Concello de Oleiros nace como tal no ano 1993, asumindo as funcións que anteriormente desenvolvía o servizo de salvamento e socorrismo, e en resposta á demanda de servizos dun concello en constante crecemento para atender os diversos eventos que se celebran ao longo do ano no termo municipal. Na actualidade, a Agrupación encárgase de dar cobertura a eventos de diferente índole. As funcións do voluntariado son, entre outras cousas, as de: promoción da prevención e autoprotección cidadá así como a colaboración, auxilio e apoio dos servizos públicos de protección civil, e, en todo caso, son as indicadas no Plan de Emerxencia Municipal (PEMU) e demais plans de protección civil do sistema autonómico, aprobados pola Comunidade Autónoma de Galicia.
Se che interesa colaborar coa AVPC, podes facelo enviando un correo electrónico a avpcoleiros@gmail.com.